არასამთავრობო ორგანიზაცია ,,World Vision”–ს და ახალგაზრდა ეკონომისტთა ასოციაციის ერთობლივი პროექტის ,,ძლიერი ადგილობრივი თვითმმართველობა ძლიერი სამოქალაქო ჩართულობის გზით"ფარგლებში მეორე სვირის თემში შეხვედრა გაიმართა. მოსახლეობასთან შეხვედრას პროექტის ინიციატორებთან ერთად ზესტაფონის მუნიციპალიტეტის გამგებლის მოადგილე ხვიჩა გუმბერიძე და მაჟორიტარი დეპუტატი რომან ჯუღელიც ესწრებოდნენ. პროექტი მიზნად ისახავს ადგილობრივ ხელისუფლებასა და სამოქალაქო საზოგადოებას შორის კონსტრუქციული თანამშრომლობის რეჟიმში იდენტიფიცირებული პრობლემების მოგვარებას. აღნიშნული პოექტის ფარგლებში მეორე სვირის თემში N11 და N13 საბავშვო ბაღების სარეაბილიტაციო სამუშაოები დაფინანსდა. განახლდა ინფრასტრუქტურა და დაგეგმილია სველი წერტილების მოწყობა.
