ზესტაფონი – ბაღდათის საავტომობილო გზას კეთილმოწყობის სამუშაოები უტარდება. ასფალტ – ბეტონის საფარი 5 კილომეტრიან მონაკვეთზე იგება, რომელიც ამავდროულად მდ. ყვირილაზე არსებული ხიდის სავალი ნაწილის შეკეთებას, მოაჯირების შეღებვას, ავტობუსის გასაჩერებელი მოედნის, ავტოპავილიონების შეკეთებას, საგზაო ნიშნების მოწყობისა და გზის სავალი ნაწილის ჰორიზონტალური მონიშვნის სამუშაოებს ითვალისწინებს. პროექტი სახელმწიფო ბიუჯეტიდან ფინანსდება და მისი საპროექტო ღირებულება 1 652 000.00 ლარს შეადგენს. ობიექტზე 40 ადამიანია დასაქმებული. მიმდინარე სამუშაოებს საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის თავმჯდომარე ვაჟა ფანჩულიძე იმერეთის სამხარეო ადმინისტრაციისა და ადგილობრივი ხელისუფლების წარმომადგენლებთან ერთად გაეცნო.
2015 წლის 19 მარტს ტელეკომპანია "TV Sport"-ის ეთერში, ლევან ჯავახიშვილის თოქ-შოუ "მთავარი თემის" მორიგი გამოშვება გავიდა. გადაცემაში ყურადღება საფეხბურთო კლუბ ”ზესტაფონში” არსებულ მდგომარეობაზე და კლუბის ირგვლივ განვითარებული მოვლენების გაშუქებაზე გამახვილდა.
გადაცემაში მონაწილეობა მიიღეს: საფეხბურთო კლუბ "ზესტაფონის" გენერალურმა დირექტორმა მიხეილ ხუციშვილმა, გულშემატკივრებმა დიმა ნებიერიძემ და ბესიკ წაქაძემ, სპორტულმა ჟურნალისტებმა ალეკო კაკაურიძემ და ოთარ მაღლაკელიძემ. შედგა გულახდილი საუბარი კლუბის გარშემო სადღეისოდ შექმნილ პრობლემებსა და არსებულ ვითარებიდან თავის დაღწევის შესაძლო გზებთან დაკავშირებით.
თავის მხრივ, საფეხბურთ კლუბ "ზესტაფონის" პრეს-სამსახური 2015 წლის 19 მარტს ტელეკომპანია "TV Sport"-ის ეთერში გასული ტოქ-შუ "მთავარი თემას" სრულ ვიდეოჩანაწერს გთავაზობთ.
ზესტაფონელი გიორგი მუმლაძე აზერბაიჯანის პრეზიდენტის ილჰამ ალიევის როლზე დაამტკიცეს. ისტორიული ჟანრის ფილმში, რომელსაც რეჟისორი ვაგიფ მუსტაფაევი იღებს პატარა გიორგი პრეზიდენტის ბავშვობას განასახიერებს. მსგავსება იმდენად დიდი იყო მთავარი გმირის ბავშვობის პერსონასთან, რომ აზერბაიჯანელი და ქართველი მოზარდებიდან 15 000 მოზარდს შორის გადამღებმა...
