ზესტაფონი – სადგური სვირი – როდინაულის საავტომობილო გზის მონაკვეთზე დაახლოებით 8 მილიონიანი პროექტის განხორციელება დაიწყო. მუნიციპალური განვითარების ფონდის დაფინანსებით პროექტის ფარგლებში 22 კმ – იანი გზის მონაკვეთის რეაბილიტაცია იგეგმება. სარეაბილიტაციო სამუშაოები საავტომობილო გზის ბეტონის საფარით მოწყობას ითვალისწინებს. ზესტაფონის მუნიციპალიტეტში ბოლო ათწლეულის განმავლობაში მსგავსი ინფრასტრუქტურული პროექტი არ განხორციელებულა. ზემოთ ხსენებულ დასახლებებში მცხოვრებთ წლების განმავლობაში სერიოზული პრობლმები ექმნებოდათ გადაადგილების თვალსაზრისით. პრობლება ერთმნიშვნელოვნად სერიოზული იყო, როგორც ქვეითად მოსიარულეებისათვის, ასევე ავტომობილით მოსარგებლეთათვისაც. მიმდინარე პროცესებს ადგილზე გაეცნო მუნიციპალიტეტის გამგებელი ტარიელ თუთარაშვილი და გამგებლის მოადგილე ნიკოლოზ კრავეიშვილი.
